Бусел – адна з самых вядомых і любімых птушак у свеце. Белы бусел – гэта сельскі жыхар, у вялікім горадзе, на жаль, яго рэдка сустрэнеш. А яшчэ гэта пералётная птушка. Белага бусла называюць сонечнай птушкай, прадвеснікам вясны і сімвалам новага жыцця. Ён жа – адзін з сімвалаў Беларусі. Сотні белакрылых птушак засяляюць нашу Радзіму. З 10 красавіка па 29 красавіка пасяліўся бусел і ў нашым дзіцячым садзе на выставе “Белы бусел – сімвал шчасця Беларусі”. Яна стала вынікам сумеснай працы педагогаў з бацькамі па выхаванню ў дзяцей дашкольнага ўзросту грамадзянскасці і патрыятызму.