Прыйшла Каляда!
Пасля Новага года да нас прыходзіць свята, якое мае назву - Каляды. Гэта беларускае традыцыйна-абрадавае свята ладзіцца ў гонар Сонца. Для земляроба час з кастрычнiка да снежня — перыяд замiрання прыроды. Ён верыў, што ў гэты час уладарання сцюжы, холаду, мяцелiцы, адбываецца барацьба дабра з ліхам, святла з цемраю. А з дня зiмовага сонцапавароту — «адраджэння» Сонца — пачынаецца новы год, якi абяцае прыход цяпла i святла, абуджэнне пладаноснай сiлы зямлi.
Дарослыя гаварылi дзецям перад Калядамi: «Дзецi, дзецi! Бачыце — сонейка нiзка, Каляда блiзка, хутка прыедзе на сiвым канi».
Дзецi пыталiся: «А дзе зараз Каляда?»
— «Зусiм блiзка, за лесам», — адказвалi дарослыя.
На Каляды 13 студзеня і ў нашай установе адукацыі ладзіліся розныя забавы i гульні. Убраныя педагогі хадзілі па ўсіх узросткавых групах, кабінетах супрацоўнікаў і, пры дапамозе кароткiх песень-калядак, жадалі дзецям і дарослым шчасця і росквіту ў новым годзе. Сярод калядоўшчыкаў выдзяляліся Зорканоша, Цыганка, Каза, Мядзведзь.