Раённая акцыя «Мы засеем радасцю планету, мы ўсмешкамі азорым шыр…» («Чытаем, спяваем і размаўляем па-беларуску»), прысвечаная Міжнароднаму дню роднай мовы, у нашай установе дашкольнай адукацыі стала ўжо традыцыйнай. У гэты дзень – 21 лютага 2023 года – у нас праводзяцца шматлікія мерапрыемствы, накіраваныя на прапаганду роднай мовы: заняткі, драматызацыя, расказванне беларускіх народных казак, чытанне вершаў, выкананне песен на роднай мове, гульня ў беларускія народныя гульні, буккросінг з бацькамі, вялікая беларуская дыктоўка і віктарына “А ці ведаеш ты родную мову” з педагогамі і фестываль “Я люблю Беларусь” з усімі ўдзельнікамі адукацыйнага працэсу.
Мэта правядзення акцыі: фарміраванне станоўчай матывацыі да вывучэння і ўжывання беларускай мовы.
Задачы: папулярызацыя беларускай мовы праз знаёмства з навінкамі сучаснай беларускамоўнай культуры, міжасабовыя зносіны выхаванцаў і педагогаў; актуалізацыя ведаў аб беларускім фальклоры, літаратуры, музыцы; далучэнне да лепшых набыткаў беларускай культуры выхаванцаў, педагогаў, бацькоў; актывiзацыя творчай iнiцыятывы педагогаў і дзяцей; развіцце моўнай і чытацкай культуры выхаванцаў, фарміраванне іх эстэтычнага густу.
разгарнуць » / « згарнуць